Забойца цмокаў

Добавлено в закладки: 0

Хто ты, які кінуў выклік пачварам?
Людзі глядзяць праз пыльныя вокны,
Тканінай сумненняў перакошаны твары,
Рыцар адважны -забойца ўсіх цмокаў.

Гэта не кожнаму будзе па сілах,
Цмока забіць — асаблівая праца,
Толькі пакуль не ў глыбокіх магілах,
Тыя, хто быццам цмокі у палацах.

Людзі, што царскія носяць кароны,
І над крадзеным золатам чэзнуць,
З костак стаяць іх крывавыя троны,
Сцены вартуюць галодныя ведзьмы.

Гэта не тыя крылатыя змеі,
З імі ў баі лягчэй будзе выжыць,
Рукі няхай ад страху дранцвеюць,
Дзідай пачвару ўсё ж можна знішчыць.

Вось і выходзіць, што гэтыя людзі,
Сутнасць чыя да ўлады імкнецца,
Смагай нажывы свет наш загубяць,
Цмокі жывуць у іх чорных сэрцах.